Min jieħu ħsieb ir-rapporti li jiddaħħlu minn din is-sistema?
Membri tal-Korp tal-Pulizija ta’ Malta jipproċessaw ir-rapporti li jiddaħħlu minn ġo din is-sistema.

Kemm indum nistenna biex rapport jiġi pproċessat?
L-Ipproċessar ta’ rapport jibda fi żmien tlett ijiem iżda minħabba l-individwalita’ ta kull rapport, ma jistax jiġi żgurat xi żmien li fih ir-rapport jigi pproċessat kompletament.

Kif nista nkun naf l-istat tar-rapport tiegħi?
Agħfas hawn u daħħal il-password li kkrejajt int meta’ daħħalt ir-rapport.

Nista nagħmel rapport li jista jiddaħħal minn din is-sistema f’xi għassa tal-pulizija?
Iva.

Il-kunfidenzjalita’ ta’ l-informazzjoni li nagħti lill-Pulizija hija żgurata?
L-informazzjoni kif ukoll l-identita’ tal-persuna li tagħti din lill-Pulizija jiġu miżmuma b’mod kunfidenzjali dejjem, sakemm ma tiġix mitluba mill-Qrati.

Kif nista niċċekkja jekk xi oġġett li tlift instabx?
Lista ta’ affarijiet misjuba u rritornati lill-Pulizija tiġi ppubblikata kull tant żmien fil-Gazzetta tal-Gvern. Jekk tlift xi ħaġa f’lokalita’ partikulari, nissuġġerulek biex tikkuntattja lill-Għassa tal-lokal biex tiċċekkja ġietx irritornata f’ dik l-Għassa.

Tlift il-password tar-rapport li għamilt. Tistgħu terġgħu tibgħatuhieli?
Jiddispjacina imma għalissa ma nistgħux nibgħatulek il-password li tkun għamilt minħabba raġunijiet ta’ sigurta’. Jekk jogħġbok erġa’ daħħal ir-rapport tiegħek u niżżel nota fiħ dwar dan u għidilna liema rapport kien. F’każ ta’ bżonn, jista jkun li tissejjaħ l-Għassa tal-Pulizija biex tivverifika dan ir-rapport.